Իսրայելի վարչապետ Բենիամին Նեթանյահուն այցով մեկնել է Եվրոպա եւ աշխարհամասի երկրներին մեղադրել երկակի ստանդարտների քաղաքականություն վարելու մեջ՝ համատեղելով Երուսաղեմին մայրաքաղաքի կարգավիճակ տալու ԱՄՆ նախագահի որոշման քննադատությունն ու հրեական պետության հրթիռային գնդակոծման մերժումը, փոխանցում է «ՌԻԱ Նովոստին»:
Փարիզ եւ Բրյուսել այցը կլինի Նեթանյահուի առաջին արտասահման այցն այն բանից հետո, երբ ԱՄՆ նախագահ Դոնալդ Թրամփը հայտարարեց Երուսաղեմն Իսրայելի մայրաքաղաք ճանաչելու եւ ամերիկյան դեսպանատունն այդտեղ տեղափոխելու մասին՝ մերժելով պաղեստինցիների հավակնություններն ու անտեսելով այդ խնդրին շուրջ համաշխարահային հանրության մոտեցումները:
«Ես տեսնում եմ Եվրոպան, բայց պատրաստ չեմ համակերպվել նրա երկակի ստանդարտներին: Այդտեղից ես նախագահ Թրամփի պատմական որոշումը քննադատող ձայներ եմ լսում, բայց չեմ լսում Իսրայելի հրթիռային գնդակոծման կամ մեր նկատմամբ սադրանքների հրեշավոր արշավի քննադատություններ»,- մեկնելուց առաջ ասել է հրեական կառավարության ղեկավարը:
Փարիզում նա ծրագրել է հանդիպել Ֆրանսիայի նախագահ Էմանուել Մակրոնի հետ, ում նա «իր ընկերն» է անվանել:
«Այնուհետեւ ես Բրյուսելում կարեւոր հանդիպում կունենամ եվրոպական արտգործնախարարների հետ »,- ասել է վարչապետը՝ հավելելով, որ այդպիսի ձեւաչափով Իսրայելի վարչապետին չեն ընդունել վերջին 22 տարում:
