ՌԴ նախագահ Վլադիմիր Պուտինը ժամանել է Թուրքիա եւ ուղղվել նախագահի նստավայր բանակցությունների համար, փոխանցում է «ՌԻԱ Նովոստի»–ն։
Ռուս նախագահի օդանավը վայրէջք է կատարել Անկարայի Էսենբողայի օդանավակայանում։ Այսօր ավելի վաղ Պուտինն այցելել էր Սիրիայի Հմեյմիմ ավիաբազա, որտեղ հայտարարել էր, որ ռուսական խմբավորումը դուրս է բերում այնտեղից։ Հետո Պուտինը մեկնել էր Եգիպտոս։
Թուրքիայի նախագահ Ռեջեփ Թայիփ Էրդողանը ողջունել է Պուտինին ձեռքսեղմումով, որից հետո նրանք մտել են նախագահական նստավայր, որտեղ եւ կընթանան բանակցությունները նեղ եւ ընդլայնված կազմով։