News
Լրահոս
News
Երեքշաբթի
Դեկտեմբեր 18
Տեսնել լրահոսը

Հայաստանը կարող է ամուրջ լինել Իրանի գործարարների համար. եւ իրենք են պատրաստ ապրանքներ ներմուծել, մենք էստեղից շարունակենք իրենց ապրանքի առաջխաղացումը եւ հակառակը, այնտեղից, որտեղ նրանք դժվարանում են ապրանք բերել, հայկական ընկերությունները կարող են բերել: Այս մասին, այսօր՝ դեկտեմբերի 15ժին, Մեղրիի ազատ տնտեսական գոտու բացման ժամանակ, լրագրողների հետ զրույցում նշեց Սյունիքի մարզպետ Վահե Հակոբյանը:

Նրա խոսքով, իրեն են դիմել բելառուս, ուկրաինացի եւ վրացի գործարարներ, որոնք հետաքրքրված են Հայաստանում գործունեություն ծավալելով, այդ թվում Մեղրիի ազատ տնտեսական գոտիով. «Ուկրաինացիներն ուզում են ցորեն արտահանել մինչեւ Իրան, նաեւ վառելիք տանել Ուկրաինա»,-ասաց նա:

Մարզպետը տռեղեկացրեց, որ դեկտեմբերի 20-ին Իրանից մեծ պատվիրակություն է գալու Կապան, որտեղ տեղի է ունենալու իրանական առեւտրային գրասենյակի բացումը. «Մենք նույնը բացել ենք Ջուլֆայում: Հուսով եմ, այդ օրը կգործարկվի Կապան-Ջուլֆա ավտոբուսային երթուղին: Դրա վերաբերյալ արդեն պայմանավորվածություն ունենք մեր պարսիկ գործընկերների հետ».-ասաց Վահե Հակոբյանը:

Նշենք, որ դեռ նախորդ տարի «Սյունիք ազատ տնտեսական գոտի» ՍՊԸ-ի եւ Տնտեսական զարգացման եւ ներդրումների նախարարության միջեւ կնքվել է պայմանագիր, որով ՍՊԸ-ն իրավունք է ստացել սկսել Ագարակում ազատ տնտեսական գոտու ձեւավորումը: Հայաստան-Իրան սահմանին ազատ տնտեսական գոտին պետք է բացվեր դեռեւս հոկտեմբերին: Տնտեսական զարգացման եւ ներդրումների նախարարի տեղակալ Հովհաննես Ազիզյանի ներկայացմամբ, 10 տարվա ընթացքում կանխատեսվում է, որ ընկերությունը ազատ տնտեսական գոտու ստեղծման մեջ կներդնի շուրջ 30 մլն դոլար: Իսկ 1-ին փուլի աշխատանքներում նախատեսվում է ներդնել 2.5-3 մլն ԱՄՆ դոլար:

Փոխնախարարի խոսքով, շատ ընկերություններ են հետաքրքրված ազատ տնտեսական գոտում ներդրումներ կատարելու եւ գործունեություն ծավալելու հարցում: Նշվում է, որ Հայաստան-Իրան սահմանին, Ագարակ քաղաքի մոտական տարածքում ստեղծվելիք ազատ տնտեսական գոտում գործունեությունը ծավալվելու է գյուղմթերքի, սննդի վերամշակումից մինչեւ նոր բարձր տեխնոլոգիական նյութերի արտադրություն, դեղագործություն եւ տեքստիլ արդյունաբերություն: Ազատ տնտեսական գոտում գործելու է մաքսակետ, արտադրական տարածք, բիզնես կենտրոն: Այդտեղ այցելուներն ապրանքները կգնեն առանց մաքսատուրքի: Սա Եվրասիական տնտեսական միության տարածքում ստեղծված 7 գոտիներից մեկն է լինելու, որում գործելու է նաեւ «Դյութի ֆրի» համակարգ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դժվարանցանելի է Սոթք-Քարվաճառ ճանապարհը. Ալագյազ-Արթիկին մերկասառույց է. Լարսը բաց է բոլոր մեքենաների համար
Վարդենյաց լեռնանցքը բաց է միայն մարդատար ավտոմեքենաների համար…
Լարսի ավտոճանապարհը բեռնատարների համար փակ է
Այն բաց է միայն թեթև մարդատար տրանսպորտային միջոցների համար…
Հանրապետության որոշ ճանապարհներին մերկասառույց է. Դիլիջանի թունելի մոտ գետնաբուք է
Ճանապարհաշինարարներն ավտոճանապարհներին կատարում են մաքրման եւ աղով, ավազով մշակման աշխատանքներ...
Ստեփանծմինդա – Լարս ավտոճանապարհը փակ է տրանսպորտային բոլոր միջոցների hամար
Դեկտեմբերի 14-ին՝ ժամը 10:00-ի դրությամբ, Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար...
Սեւանի թերակղզուց մինչեւ Դիլիջանի թունել ճանապարհահատվածում բուք է
Բքի եւ անբավարար տեսանելիության պատճառով Վարդենյաց լեռնանցքը փակ է...
Լավ է, որ չի իրականացվել «Հյուսիս-Հարավ»-ը, դրանով կանխվել է կոռուպցիան. Փաշինյան
Այսօր պետական կառավարման համակարգում գնում է աշխատավարձերի բարձրացման գործընթաց…
Partner news