News
Լրահոս
News
Չորեքշաբթի
Հունվար 16
Տեսնել լրահոսը

Հայաստանի եւ Եվրամիության (ԵՄ) միջեւ ստորագրված համապարփակ եւ ընդլայնված գործընկերության մասին համաձայնագիրը երկար տարիների լուրջ իրավական հիմք կդառնա բոլոր առաջնահերթ ոլորտներում հայ-եվրոպական հարաբերությունների զարգացման համար:

Դեկտեմբերի 15-ին Երեւանում կայացած Եվրոպական բիզնես ասոցիացիայի 2-րդ գագաթաժողովի կուլուարներում լրագրողների հետ զրույցի ընթացքում նման կարծիքը հայտնեց Հայաստանի տնտեսական զարգացման եւ ներդրումների փոխնախարար Գարեգին Մելքոնյանը:

Նրա խոսքով՝ փաստաթղթի՝ ուժի մեջ մտնելուց հետո մեծ աշխատանք է նախատեսվում իրականացնել տնտեսության եւ առեւտրի տարբեր ոլորտներում եվրոպական փորձի եւ ստանդարտների ներդրման ուղղությամբ: Ինչպես նշեց փոխնախարարը, ստանդարտների ներդնումը կպարզեցնի վարչարարության ընթացակարգերը, ինչը, իր հերթին, կհանգեցնի Հայաստանի եւ Եվրամիության երկրների միջեւ ապրանքաշրջանառության աճի, հատկապես` Հայաստանից արտահանման:

«2017 թվականի 10 ամսվա ընթացքում Հայաստանից դեպի ԵՄ երկրներ արտահանման ծավալը 20 տոկոսով գերազանցել է նախորդ տարվա նույն ժամանակահատվածի ցուցանիշը: Միեւնույն ժամանակ GSP+ համակարգի շրջանակներում ապրանքների 40 տոկոսը ԵՄ է արտահանվել զրոյական մաքսատուրքերով: Ինչպես հայտնի է, Հայաստանից Եվրոպա արտահանվող ապրանքների 90 տոկոսի համար մաքսատուրք չի վճարվում»,- հիշեցրեց փոխնախարարը` հավելելով, որ այս ցուցանիշի բարելավման համար առկա են բոլոր նախադրյալները:

Գարեգին Մելքոնյանը նաեւ նշեց, որ  2017 թվականին  զգալիորեն բարելավվել է նաեւ Հայաստանից դեպի ԵՄ արտահանման կառուցվածքը, մասնավորապես, Հայաստանը սկսել է արտահանել ավելի շատ պատրաստի ապրանքներ, վերամշակված արտադրանք, դեղեր եւ տեքստիլ:

Նրա կարծիքով, 2018 թվականին Հայաստանի՝  REX  գրանցված արտահանողների համակարգին միանալը բարենսպաստ ազդեցություն կունենա հատկապես ՓՄՁ-ների վրա, քանի որ համակարգը թույլ է տալիս գործարարներին առանց ապրանքի ծագման վկայականի, մեկ անգամ գրանցվելով REX համակարգում, դուրս գալ ԵՄ շուկաներ եւ օգտվել GSP+ արտոնություններից:

Հիշեցնենք, որ ԵՄ-ի հետ համապարփակ եւ ընդլայնված գործընկերության մասին համաձայնագիրը Հայաստանը  ստորագրել է 2017 թվականի նոյեմբերի 24-ին: Փաստաթուղթը ստորագրվել է Բրյուսելում Հայաստանի արտգործնախարար Էդվարդ Նալբանդյանի եւ ԵՄ դիվանագիտության ղեկավար Ֆեդերիկո Մոգերինիի կողմից:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
Եվրամիությունը Լոնդոնի հետ Բրեքսիթի հարցով գործարքն «անհնար» է համարել
Եվրամիությունում հիասթափվել են բրիտանական Համայնքների պալատում անցկացված քվեարկության․․․
Եվրոպական խորհրդարանի պատգամավորները բրիտանացիներին կոչ են արել հրաժարվել բրեքսիտից
եթե բրիտանացիները որոշեն մնալ, ապա նրանց որոշումը ուրախությամբ կընդունվի....
Շատ իրատեսական չէ այս տարի ՀՀ-ԵՄ համաձայնագրի վավերացումը ԵՄ անդամ բոլոր երկրների կողմից․ Արարատ Միրզոյան
Խորհրդարանը նոր է մտնում լիազորությունների մեջ, մարդիկ նոր են․․․
Մեյը հայտարարել է, որ Բրիտանիան պարտավոր է իրագործել Brexit-ը
«Ես խնդրում եմ խորհրդարանի անդամներին հաշվի առնել իրենց գործողությունների բոլոր հետեւանքները մեր ժողովրդավարական ինստիտուտների նկատմամբ բրիտանական ժողովրդի հավատը պահպանելու համար»...
Մակեդոնիայի վարչապետն ասել է, որ երկիրը շուտով կդառնա ՆԱՏՕ եւ ԵՄ անդամ
Խորհրդարանի պատգամավորները արեւմտյան երկրների բաց դռներից մտնելու հնարավորություն են տվել...
Եվրոգոտում գործազուրկների թիվը նվազել է
Գործազրկության ամենացածր մակարդակը գրանցվել է Չեխիայում, Գերմանիայում եւ Նիդեռլանդներում: Ամենաբարձրը՝ Իսպանիայում եւ Հունաստանում…