«Աստղային պատերազմներ. Վերջին ջեդաին» (Star Wars: The Last Jedi), որը հանրահայտ տիեզերական կինոսագայի 8-րդ մասն է, Հյուսիսային Ամերիկայում պրեմիերայի նախօրեին ցուցադրվելով 45 մլն դոլար է վաստակել՝ ռեկորդների ցուցակում 2-րդ տեղը զբաղեցնելով: Այս մասին հայտնել է Disney կինոստուդիան, որին է պատկանում ֆրանշիզայի իրավունքը, փոխանցում է ՏԱՍՍ-ը:
Ռայան Ջոնսոնի ժապավենը երկրորդ հորիզոնականն է գրավել այն կինոնկարների ցանկում, որոնք Հյուսիսային Ամերիկայում պրեմիերայի նախօրեին ամենամեծ շահույթն են բերել: Այս վարկանիշում առաջատարը «Աստղային պատերազմների» նախորդ մասն էր՝ «Ուժի զարթոնք» (Star Wars: The Force Awakens), որն էկրան է բարձրացել 2015 թվականին եւ լիարժեք պրեմիերայի օրը բերել է 57 մլն դոլար: Երրորդ տեղում է 2011 թվականին թողարկված «Հարրի Փոթերը եւ Մահվան պարգեւները. մաս II» (43 մլն դոլար):