Գերմանիայի Հեսեն դաշնային հողը մտադիր է օգուտ քաղել կրիպտոարժույթի փոխարժեքի աճից՝ շրջանի իշխանությունները որոշել են վաճառել ոստիկանության կողմից մի քանի տարի առաջ «առգրավված» բիթքոինները։ Այս մասին հաղորդում է Der Tagesspiegel թերթը։
2015 թվականին Հեսենի կարգուկանոնին հետեւող իրավապահները բացահայտել էին թմրամիջոցների վաճառքի ցանց, որտեղ արգելված նյութերի շրջանառությունը իրականացվում էր համացանցի միջոցով։ Որպես վճարման միջոց ընդունվում էր կրիպտոարժույթը։
Ի վերջո, 126 բիթքոիններ՝ համակարգիչների եւ կոշտ սկավառակների հետ միասին բռնագրավվել էր դաշնային հողի օգտին: Այն ժամանակ նրանց գինը կազմում էր մոտ 50 հազար եվրո: Այսօր փոխարժեքի աճի պայմաններում մոտ 2 միլիոն:
Հեսենում ցանակնում են այն վաճառել քանի չի էժանացել: «Բիթքոինը մենք համարում ենք «փչացող» ապրանք, այդ պատճառով էլ ցանկանում ենք դրանք վաճառել աճուրդում»,-ասել է դատախազ Բենջամին Քրաուզեն: Սպասվում է, որ դաշնային հողի բյուջեն կավելանա մինչեւ 2 միլիոն եվրոյով արդեն հաջորդ շաբաթ:
Թե այժմ որքան բիթքոիններ են գտնվում ԳՖՀ-ի պետական հաստատությունների տիրապետության տակ, հայտնի չէ: «Մենք միայն հաջորդ տարի կներառենք առգրավված կրիպտոարժույթի արժեքը քրեական վիճակագրության մեջ», - ասել է քրեական գործերի դաշնային վարչությունում: