Փախստականների եւ հարկադիր վերաբնակների հետ աշխատանքի հարցերով պետական կոմիտեի նախագահ Ալի Հասանովի թոռը՝ Նայիլ Ալլահվերդիեւը, ով աղետալի ավտովթարի պատճառ էր դարձել, դատապարտվել է 6 տարվա ազատազրկման:
Ինչպես հայտնում է Minval.az-ը, «Ճանապարհատրանսպորտային պատահարի վայրը լքելու» հոդվածը, ըստ որի եւ մեղադրվում էր Նայիլ Ալլահվերդիեւը, հանվել է դատավճռից: Ինչպես նշել է դատավորը, դատարանում սույն հոդվածը չի ապացուցվել դատախազության կողմից: Այսինքն, Ալլահվերդիեւը չի փախչել դեպքի վայրից:
Հիշեցնենք, որ 2017 թվականի օգոստոսի 3-ին Ն. Ալլահվերդիեւը Mercedes-Gelandawagen մակնիշի ավտոմեքենայով Բաքվի Նարիմանով շրջանի տարածքում ծանր ավտովթար էր իրականացրել, ինչի հետեւանքով երկու մարդ էր զոհվել, եւս երկու Թուրքիայի քաղաքացի տարբեր աստիճանի ծանր վնասվածքներ էր ստացել: