«Սասնա ծռեր» խմբի անդամ Արմեն Բիլյանը երեկ՝ դեկտեմբերի 19-ին, ժամը .15-ից է գտնվում հացադուլի մեջ: Այս մասին հայտնում են արդարադատության նախարարության քրեակատարողական վարչության հանրային կապերի բաժնից:
Ըստ ՔԿՎ հանրային կապերի բաժնի՝ Բիլյանը գանգատվել է գլխապտույտներից: «Բիլյանի պաշտպան Արմինե Ֆանյանի պնդումներն այն մասին, թե քրեակատարողական հիմնարկն այս հարցով անգործություն է դրսևորում, անհիմն են, քանի որ առաջիկա օրերին Բժշկական աշխատանքային հանձնաժողովը կզննի նրան և անհրաժեշտության դեպքում քայլեր կձեռնարկի: Ինչ վերաբերում է այն հայտարարությանը, թե Արմեն Բիլյանը պահվում է սարսափելի ցուրտ, անմարդկային պայմաններում, ապա նշենք, որ հայտարարությունն իրականության հետ որևէ կապ չունի, քանի որ «Նուբարաշեն» ՔԿՀ-ում գործում է կենտրոնացված ջեռուցման համակարգ, բոլոր խցերը ջեռուցվում են, այդ թվում` և այն խուցը, ուր այս պահին պահվում է Արմեն Բիլյանը»,- ասվում է տարածած հաղորդագրության մեջ:
