«Կավկազսկիյ ուզել»-ի լրագրող Վյաչեսլավ Պրուդնիկովը հրազենային վնասվածքներ է ստացել Ռոստովի մարզում տեղի ունեցած զինված հարձակման հետեւանքով: Լրագրողին վիրահատել են: Հարձակումը նա կապում է իր մասնագիտական գործունեության հետ:
Պրուդնիկովի խոսքով՝ զինված հարձակումը իրականացվել է Կրասնի Սուլին քաղաքում՝ գերեզմանատան մոտակայքում: Պրուդնիկովը պատմել է, որ գերեզմանատան տարածքում նա գտնվում էր լրագրության հետ կապ չունեցող գործի բերումով: «Ես հանեցի իմ ֆոտոխցիկը, որպեսզի մի քանի լուսանկար անեմ, եւ հանկարծ մի մոխրագույն արտասահմանյան մեքենա մոտեցավ: Մեքենայից մի երիտասարդ դուրս թռավ՝ պահանջելով ասել, թե ինչ եմ անում: Արդյունքում կոնֆլիկտ ծագեց. տղամարդը փորձեց հարվածել ինձ, իսկ հետո հանեց ատրճանակը: Նա սկսեց կրակել՝ ասելով. «Դու արդեն զզվեցրել ես՝ իշխանության մասին գրելով»:
Ես ձեռքով ծածկել էի դեմքս, եւ փափմուշտը դիպչեց արմունկիս: Հետո փորձեցի փախչել, եւ երկրորդ փամփուշտը կողոսկրիս դիպչեց»,- պատմել է Վյաչեսլավ Պրուդնիկովը:
Ինչպես նշում է «Կավկազսկիյ ուզել»-ը, Պրուդնիկովի վրա կրակել են ոչ թե ռազմական, այլ տրավմատիկ զենքից: