Իսրայելը սկսում է Միավորված ազգերի Կրթության, գիտության եւ մշակույթի կազմակերպության կազմից (ՅՈՒՆԵՍԿՕ) դուրս գալու գործընթացը, հաղորդում է DW-ն:
Ըստ իսրայելական լրատվամիջոցների՝ երկրի վարչապետ Բենիամին Նեթանհայուն դեկտեմբերի 23-ին ՅՈՒՆԵՍԿՕ-ում իր դեսպանին հանձնարարել է կազմակերպության ղեկավարությանը Թել Ավիվի մտադրության մասին տեղեկացնող նամակ փոխանցել:
Իսրայելի արտաքին գործերի նախարարության ներկայացուցիչ Էմանուել Նախշոնը պարզաբանել է, որ Իսրայելը «առաջիկա օրերին» իր կազմից դուրս գալու մասին ՅՈՒՆԵՍԿՕ-ին կտեղեկացնի:
Թել Ավիվի որոշումը հիմնված է «կազմակերպության՝ հրեաների պատմության եւ Իսրայելի հողի միջեւ կապը խզելու փորձերի վրա», ասել է Նախշոնը:
Հոկտեմբերին Իսրայելի կառավարությունը հայտարարել էր, որ երկիրը պատրաստվում է ՅՈՒՆԵՍԿՕ-ի կազմից դուրս գալ:
Թել Ավիվում Միացյալ Նահանգների՝ կազմակերպության անդամակցությունից դուրս գալու ավելի վաղ որոշումն անվավել էին «խիզախ եւ բարոյական»:
