Նյու Յորքի հյուրանոցը, որում անցել են «Տանը միայնակ» ֆիլմի երկրորդ մասի նկարահանումները, հյուրերին առաջարկում է օգտվել «ապրիր ինչպես Քեվինը» ծառայությունից, հաղորդում է «ՌԻԱ Նովոստին»:
Նշվում է, որ «Քեվինի զգացողությունները կարելի է ապրել» հյուրանոցի համարում եւ ամբողջ հյուրանոցի տարածքով: Թե ինչ զգացողությունների մասին է խոսքը, հյուրանոցը չի մանրամասնում:
Ծառայությունը սկսվում է 895 դոլարից: Այս գումարով այցելուները կարող են ֆոտոխցիկում նկարներ անել, համարում հսկայական պաղպաղակ ուտել, հուշանվերներ ստանալ եւ դիսկերի սահմանափակ հավաքածու: Բացի այդ ֆիլմի սիրահարների համար հատուկ 1990-ականների ոգով ճաշացանկ է պատրաստվել:
Հյուրանոցը առաջարկը նվիրել է ֆիլմի 25-ամյա տարեդարձին:
Ամանորյա «Տանը միայնակ» կատակերգությունը էկրաններին հայտնվեց 1990 թվականին: Ֆիլմի երկրոդ մասը հատկանշական է նրանով, որ դրվագներից մեկում հայտնվում է ԱՄՆ ներկայիս նախագահ Դոնալդ Թրամփը, որը կատարում է հյուրանոցի տիրոջ դերը: