Հարցադրումը այն մասին, որ Սանկտ Պետերբուրգը ավելի խոցելի է դարձել ահաբեկչական հարձակումների համար, սխալ է. ահաբեկչությունը վտանգ է ներկայացնում աշխարհի ցանկացած բնակավայրի համար: Այս մասին, ինչպես հաղորդում է «ՌԻԱ Նովոստի»-ն, հայտարարել է Ռուսաստանի նախագահի մամուլի քարտուղար Դմիտրի Պեսկովը:
«Դուք գիտեք, որ ահաբեկչությունը վտանգ է ներկայացնում աշխարհի ցանկացած բնակավայրի համար», - ասել է Պեսկովը:
Պեսկովը բացատրել է ՌԴ նախագահ Վլադիմիր Պուտինի հայտարարությունը՝ նշելով, որ Սանկտ Պետերբուրգում պայթյունի ժամանակ ոչնչացնող տարրեր են գործարկվել, ուստի դա կարելի է դիտարկել որպես ահաբեկչական գործողություն:
Սակայն մեկնաբանությունների համար ավելի լավ է դիմել ուժային գերատեսչություններին: «Հարցն այն է, որ այնտեղ ոչնչացնող էլեմենտներ են գործարկվել, համապատասխանաբար, սա ամեն դեպքում ահաբեկչական գործողություն է: Բայց, իհարկե, սխալ կլիներ այս դեպքում Կրեմլից ինչ-որ բան պատմել կամ մեկնաբանել: Ավելի լավ է մեկնաբանությունների համար դիմել ուժային գերատեսչություններում մեր գործընկերների», - ասել է Պեսկովը` պատասխանելով հարցին, թե ինչպե՞ս հաջողվեց եզրակացության գալ, որ Սանկտ Պետերբուրգում տեղի ունեցած պայթյունը ահաբեկչական գործողություն էր:
Սանկտ Պետերբուրգի սուպերմարկետում պայթյուն է տեղի ունեցել
Սանկտ Պետերբուրգի խանութում տեղի ունեցածը ահաբեկչություն էր. Պուտին