Դեկտեմբերի 29-ին Կահիրեի արվարձաններից մեկի՝ Մար-Մինա եկեղեցու վրա հարձակման արդյունքում 9 մարդ է զոհվել,10 մարդ վիրավորվել է: Այս մասին հաղորդում է «ՏԱՍՍ»-ը՝ վկայակոչելով Al-Watan լրատվական պորտալը եւ Եգիպտոսի առողջապահության նախարարության պաշտոնական տվյալները:
Զոհվածներից 4-ը ոստիկան են, 5-ը՝ քաղաքացիական անձ:
Հիշեցնենք, որ ուրբաթ առավոտյան զինված հարձակում էր տեղի ունեցել Կահիրեի արվարձաններից մեկի եկեղեցու վրա: Ըստ առկա տեղեկատվության` հարձակմանը մասնակցել է 5 ծայրահեղական, այդ թվում նաեւ` մեկ մահապարտ ահաբեկիչ: Շուրջ 10 րոպե տեւած փոխհրաձգության ժամանակ ոստիկաններ են զոհվել: Ավելի վաղ հաղորդվել էր, որ հարձակվողներից 3-ը չեզոքացվել են, այդ թվում նաեւ՝ մահապարտ ահաբեկիչը, որը, ամենայն հավանականությամբ, պետք է տաճար մտներ:
