ՌԴ նախագահը օրենք է ստորագրել, որով զմահ ազատազրկում է սպառնում ահաբեկիչներին հավաքագրողներին այն դեպքում, եթե նրանց կողմից իրականացված ահաբեկչական հարձակումը հանգեցնում է մարդկանց մահվան: Ցմահ ազատազրկում կարող է ստանալ նաեւ ահաբեկչին զինող կամ մարզող մարդը, հաղորդում է ՌԲԿ-ն:
Եթե ահաբեկչության կամ պատանդներ պահելու արդյունքում ոչ ոք չի մահացել, առավելագույն պատիժը կկազմի 15 տարվա ազատազրկում:
Եթե ահաբեկիչներին հավաքագրողը օգտագործել է իր ծառայողական դիրքը, նրան նույնպես ցմահ ազատազրկում է սպասվում:
Ահաբեկչության քարոզչության համար 100 հազարից մինչեւ 500 հազար ռուբլի տուգանք է նախատեսվում կամ 2-5 տարվա ազատազրկում:
Օրենքն ուժի մեջ է մտել հրապարակման պահից: