Լոռու մարզում այսօր՝ հունվարի 2-ին խոշոր ավտովթար է տեղի ունեցել: Պատահարի հետեւանքով երկու մարդ է զոհվել:
Shamshyan.com-ի փոխանցմամբ՝ Տաշիր-Գոգավան ավտոճանապարհի 6-րդ կմ-ում բախվել են Mercedes եւ ՎԱԶ 21015 մակնիշների ավտոմեքենաները: Բախման հետեւանքով ՎԱԶ 21015-ում հրդեհ է բռնկվել. այն ամբողջությամբ այրվել է: Ավելի ուշ մեքենայից երկու այրված դի են դուրս բերել։
ԱԻՆ մամուլի ծառայության փոխանցմամբ՝ մահացածներն են ՎԱԶ 21015-ի վարորդ Ա.Մ.-ն եւ ուղեւորը՝ 2000թ. ծնված Հ.Պ.-ն: Իսկ Mercedes-ի վարորդն ու չորս ուղեւորները տեղափոխվել են Տաշիրի բուժկենտրոն: Բժիշկները տուժածների վիճակը բավարար են գնահատել: