Սաուդյան Արաբիայի թագավորական գվարդիան 11 արքայազնների ձերբակալել է թագավորական պալատում բողոքի ցույցերի համար, հաղորդում է «ՌԻԱ Նովոստի»-ն:
Թերթի տվյալներով՝ միապետի ընտանիքի անդամներ հանդիսացող ցուցարարները պահանջում էին չեղարկել թագավոր Սալման բեն Աբդել Ազիզ Ալ Սաուդի հրամանը, որով նախատեսվում է արքայազների ջրի եւ էլեկտրաէներգիայի հաշիվների վճարների դադարեցում: Արքայազները նաեւ հայտարարել են, որ ուզում են դրամական փոխհատուցում ստանալ իրենց հարազատի գլխատման համար։
Թագավորական գվարդիան ձերբակալել է ցուցարարներին այն բանից հետո, երբ նրանք հրաժարվել են լքել պալատը։ Ներկայումս, արքայազները, որոնք պահվում են «Էլ Հաիր» բանտում, սպասում են դատական գործընթացին։
Նոյեմբերի սկզբին Սաուդյան Արաբիայում կոռուպցիայի դեմ պայքարի նոր կոմիտեն, որը գլխավորում է արքայազն Մուհամեդ բեն Սալմանը, հրաման էր ստացել ձերբակալել 11 արքայազների եւ 4 գործող նախարարների։ Դեկտեմբերի սկզբին թագավորության գլխավոր դատախազությունը հայտնել էր, որ քննության ժամանակ հարցաքննվել են 320 մարդ, ավելի քան երկու հազար բանկային հաշիվներ էլ սառեցվել էին:
- Սկանդալ թագավորությունում. Սաուդյան Արաբիայում 11 արքայազնի են կալանավորել
- Սաուդյան արքայազների շքեղ «բանտը»
- Ձերբակալված սաուդյան արքայազններին, այդ թվում, հայկական արմատներով արքայազնին, խոշտանգում են. Daily Mail
- «Գահերի խաղի» սաուդյան տարբերակը. 11 արքայազն՝ Մուհամմեդ իբն Սալման ալ Սաուդի գահի ճանապարհին
