Ամերիկյան Armormax ընկերությունը ստեղծել է Tesla Model S P100D սեդանի գնդակադիմացկուն տարբերակը, որը, ըստ ընկերության, աշխարհի ամենաարագ զրահապատված ավտոմեքենան է: Մեքենայի տանիքի, դռների, դարակների եւ հատակի զրահապատման համար լամինացված սինթետիկ մանրաթելեր եւ ջերմամշակված բալիստիկ խառնուրդ է օգտագործվել, հաղորդում է Motor-ը:
Էլեկտրամեքենայի ստանդարտ ապակիները փոխարինվել են պոլիկարբոնատային լամինացիայով բազմաշերտ օրգանական ապակիով:
Ընկերությունն ընդգծում է, որ ավտոմեքենայի զրահապատման համար ընդունված պողպատե թերթեր չեն օգտագործվել:
Tesla Model S P100D հագեցված է երկու էլեկտրական շարժիչով, որոնց ընդհանուր հզորությունը 773 ձիաուժ է եւ 967 Նմ ոլորող մոմենտ: Մինչեւ 100 կիլոմետր ժամում էլեկտրամեքենան արագություն է բացում 2.6 վայրկյանում: Առավելագույն արագությունը ժամում 250 կիլոմետր է:
