Թուրքական դատարանը պարտավորեցրել է հայտնի լրագրող Ահմեդ Ալթանին 7 հազար լիրա վճարել Թուրքիայի նախագահ Ռեջեփ Թայիփ Էրդողանին վիրավորելու համար։
Թուրքական Diken պարբերականի փոխանցմամբ՝ գյուլենականների հետ կապ ունենալու եւ հեղաշրջման փորձի մեջ կազմակերպման մեջ մեղադրանքով կալանքի տակ գտնվող Ահմեդ Ալթանը դատական նիստին մասնակցել է ինտերնետային միացման միջոցով։ Ահմեդ Ալթանը նշել է, թե ինքը անձնական վիրավորանք չի հասցրել, այլ քննադատել է։
Սակայն դատարանը մեղավոր է համարել նրան եւ պարտավորեցրել վճարել 7 հազար լիրա փոխհատուցում։
Նշենք, որ Ահմեդ Ալթանը Հայոց ցեղասպանությունը ճանաչող թուրք լրագրողներից է եւ բազմիցս գրել է Ցեղասպանությունը ճանաչելու անհրաժեշտության մասին։