Եվրոպական հանձնաժողովը (ԵՀ) հայտարարել է, որ մինչեւ 2020 թվականը մտադիր է մոտ 1 միլիարդ եվրո գումար ներդնել գերհամակարգիչների ստեղծման եւ դրանց համար անհրաժեշտ ենթակառուցվածքների, այդ թվում `արհեստական ինտելեկտի, զարգացման մեջ, հաղորդում է «ՌԻԱ Նովոստի» գործակալությունը:
«Գերհամակարգիչները թվային տնտեսության շարժիչ ուժն են. Սա ծանր մրցավազք է, որում Եվրամիությունն այսօր զիջում է. մենք աշխարհի տասնյակում գերհամակարգիչ չունենք»,- հայտարարել է ԵՀ-ի՝ միասնական թվային շուկայի հարցերով փոխնախագահ Անդրուս Անսիպը: Նրա խոսքով՝ պետական հիմնադրամները օգնություն կտրամադրեն եվրոպական հետազոտողներին եւ ընկերություններին նորագույն տեխնոլոգիաների մշակման համար:
Ծրագիրը կգործի 2019-2026 թվականներին, ընդ որում, միայն մինչեւ 2020 թվականը համակարգերի ստեղծման համար մոտ 1 միլիարդ եվրո է կհատկացվելի: