Toyota-ն ներկայացրել է 1000 ձիաուժ հզորությամբ հիբրիդային սուպերքարի նախատիպը, որը ստացել է GR Super Sport Concept անվանումը: Այն պատկերացում է տալիս, թե ինչ ուղղությամբ են զարգանալու ճապոնական ընկերության նոր սպորտային մեքենաները: Հայեցակարգի պրեմիերան տեղի կունենա Տոկիոյի ավտոսրահում, որը կբացվի այս շաբաթվա վերջին, հաղորդում է Motor-ը:
Նորույթը մշակվել է Toyota-ի Gazoo Racing սպորտային ստորաբաժանման կողմից: Ավտոմեքենայի կառուցվածքում օգտագործվել են TS050 Hybrid սպորտ նախատիպի բաղադրիչները:
Toyota-ում GR Super Sport Concept-ի մասին այլ տեղեկություն չեն տրամադրել, միայն հստակեցրել են, որ այս կոնցեպտով ցանկացել են «սպորտային մեքենաներ ստեղծել գործող մրցաշարային մեքենաների հիման վրա»: