News
Լրահոս
News
Չորեքշաբթի
Դեկտեմբեր 19
Տեսնել լրահոսը

«Դրոյի գործով» ցմահ ազատազրկման դատապարտված Արսեն Արծրունու կյանքին վտանգ է սպառնում: Այս  մասին NEWS.am-ի հետ զրույցում ասաց Արսեն Արծրունու եղբայրը`Սեւակ Արծրունին:

«Երկար ժամանակ է՝ ինչ Արսենը տառապում էր տարբեր անհասկանալի հիվանդություններից,  բողոքներ ու գանգատներ ուներ, որոնց պատճառը չէինք կարողանում հասկանալ: Մենք Խնդրեցինք բանտային իշխանություններին, որ թույլ տան բժշկական  ընդհանուր հետազոտություն կատարենք: Դժբախտաբար, այդ հետազոտությունների արդյունքները ցույց տվեցին, որ Արսենի մոտ առկա է վահանաձեւ գեղձի չափերի մեծացում: Ավելին, վահանաձեւ գեղձի շրջանում առկա են նաեւ բազմաթիվ ուռուցքներ, հանգույցներ, որոնց ծագումը, հայտնի չէ: Եղբորս առողջական  խնդիրների հետեւանքներն ամեն ժամ կարող են անդառնալի լինել: Մենք այս պահին դեռ չգիտենք՝ այդ հանգույցները քաղցկեղածի՞ն են, թե՞ ոչ: Եվ եթե քաղցկեղածին են, ապա մենք շատ-շատ ժամանակ ենք կորցնում, ամեն վայրկյանը թանկ է նրա առողջության համար»,-ասաց Սեւակ Արծրունին:

Սեւակ Արծրունին  հավելեց, որ այժմ իրենք պայքարում են Արսեն Արծրունու ազատության համար, որպեսզի կազմակերպեն նրա բուժումը:

«Արսեն Արծրունին Լիբանանի քաղաքացի է, եւ ազատվելու դեպքում անմիջապես Լիբանան պետք է տեղափոխվի՝ բժշկական անհրաժեշտ օգնությունը ստանալու համար. նա պետք է ամբողջական հետազոտության ենթարկվի, եւ մենք ընտանիքով կապահովենք նրա բուժման լավագույն պայմանները»,-ասաց Սեւակ Արծրունին:

Նշենք, որ ՀՀ գերագույն դատարանը 1996թ. նրան մեղավոր է ճանաչել երկու տարբեր սպանությունների դրդելու մեջ և դատապարտել է մահապատժի: 2003թ. ՀՀ նախագահի հրամանագրով մահապատիժը փոխարինվել է ցմահ ազատազրկմամբ: 2006թ. ՀՀ դատախազության միջնորդության հիման վրա դատարանը վերանայել է գործը՝ համապատասխանեցնելով Քրեական օրենսգրքի փոփոխություններին: Արսեն Արծրունին արդեն 23տարի է, ինչ անազատության մեջ է: 

Նշենք, որ Արսեն Արծրունին և վերջինիս փաստաբաններն պայքարում են կալանավորի ազատության համար:

Տպել
Կարդացեք նաև
Ամբողջը
ԱՄՆ-ում հրազենից զոհվածների թիվը հասել է առնվազն 50-ի
Թերթը նշում է, որ բնակչության թվաքանակի մեջ ճշգրտումներ անելուց հետո հրազենից մահվան դեպքերի մակարդակը աճել է 12 հազար դեպքով՝ 100 հազար մարդու հաշվով...
Գողության փորձ՝ հագուստի խանութից. Տեսախցիկը ֆիքսել է
Դեպքի առթիվ ՀՀ ոստիկանության Շենգավիթի բաժնում հարուցվել է քրեական գործ՝ ՀՀ քրեական օրենսգրքի 34-177-րդ հոդվածի 1-ին մասով…
Ինքնասպանության փորձ Երեւանում. Հյուրանոցից ՌԴ 18-ամյա քաղաքացին տեղափոխվել է հիվանդանոց
Աղբյուրի տեղեկություններով՝ վիրավորը Ռուսաստանի քաղաքացի՝ 18-ամյա Էրիկ Խ.-ն է, ով դանակի միջոցով ինքնավնասումներ է կատարել ձեռքերի շրջանում…
Ավարտվել է զգալի չափերի կողոպուտ կատարելու դեպքի առթիվ հարուցված քրգործի նախաքննությունը. մանրամասներ
Հասնելով Լենինգրադյան փողոց՝ 51-ամյա տղամարդը ուղեվարձը վճարելու հարցի շուրջ վեճի է բռնվել տաքսու վարորդի հետ…
«Շերեմետեւոյում» հայի են ձերբակալել, որը փորձել է Ստամբուլից չմաքսազերծված թանկարժեք իրեր բերել
Ուղեւորի ձեռքի պայուսակի մեջ գտել են 619 ոսկերչական իրեր…
Լիբանանում ընթանում են զանգվածային հակակառավարական ցույցեր
Առաջին տարերային հանրահավաքներն անցկացվել են Տրիպոլիի արվարձանում գտնվող պաղեստինցի փախստականների ճամբարներում…