News
Լրահոս
News
Չորեքշաբթի
Հունվար 16
Տեսնել լրահոսը

Արցախում գնաճ գրեթե չի արձանագրվել, իսկ բյուջեի եկամուտների գերակշիռ մասն ապահովել են 7 հարկատուներ: Այս մասին, լրագրողների հետ հանդիպման ժամանակ նշել է Արցախի Հանրապետության ֆինանսների նախարար Գրիգորի Մարտիրոսյանը՝ ամփոփե;ով նախորդ տարվա տնտեսական զարգացումների եւ հարկաբյուջետային քաղաքականության արդյունքներն ու ներկայացրել առաջիկայում ծրագրվող աշխատանքները:

Նրա խոսքով, մասնավորապես անդրադառնալով 2017թ.-ի մակրոտնտեսական ցուցանիշներին, նախարարը նշել է, որ  2017թ.-ի համախառն ներքին արդյունքի կանխատեսվող աճը կկազմի 15 տոկոս: «Դա շատ բարձր ցուցանիշ է, եւ վերջին 10 տարիների ընթացքում այդպիսին չենք արձանագրել: Ընդ որում, 15% աճի 6 տոկոսն ապահովվելու է հանքարդյունաբերության հաշվին, իսկ մնացած 9%-ը՝ տնտեսության այլ ճյուղերի հաշվին, այդ թվում 2%-ը արդյունաբերության այլ ճյուղերի՝ էներգետիկայի, վերամշակվող արդյունաբերության, 1.5%-ը՝ շինարարության, 1.2%-ը՝ գյուղատնտեսության եւ շուրջ 3.8%-ը ֆինանսական ոլորտի հաշվին»,- ասել է Գ. Մարտիրոսյանը՝ հավելելով, որ տնտեսական աճին զուգահեռ՝ գնաճ գրեթե չի արձանագրվել:

Այնուհետեւ նախարարն անդրադարձել է սեփական եկամուտների կատարողականին. այն կազմել է 41.1 միլիարդ դրամ՝ ծրագրված 38.8 միլիարդ դրամի փոխարեն. ծրագիրը գերակատարվել է ավելի քան 6 տոկոսով, ինչը եւս աննախադեպ է, քանի որ վերջին 10 տարիների ընթացքում այդպիսի ցուցանիշ չի եղել: Սեփական եկամուտների կազմում գերակշիռ մասը կազմում են հարկային եկամուտները, եւ 2017-ին այն կազմել է 39.7 միլիարդ դրամ՝ ծրագրված 37.5 միլիարդ դրամի փոխարեն, որը գերակատարվել է 6.1%-ով: Գերակատարման արդյունքում հավաքագրված գումարի, որը կազմում է 2 միլիարդ 200 միլիոն դրամ, մոտ 50 տոկոսի չափով ապահովվել է «Բեյզ Մեթլս» հանքագործական ընկերության կողմից տրված լրացուցիչ հարկերով, իսկ մնացած 1 միլիարդ 150 միլիոն դրամն ապահովվել է այլ հարկատուների կողմից: 2016թ.-ի համեմատ՝ 2017թ.-ին հարկային եկամուտներն ավելացել են ավելի քան 22 %-ով, եւ լրացուցիչ գումարը կազմում է 7 միլիարդ 400 միլիոն դրամ:

«Հատկանշական է, որ այդ գումարի գերակշիռ մասն ապահովել են առաջին յոթ խոշոր հարկատուները՝ 5 միլիարդ 400 միլիոն դրամի լրացուցիչ հարկային եկամուտներով, իսկ մնացած մոտ 2 միլիարդ դրամն ապահովել են փոքր եւ միջին ձեռնարկությունները»,- ընդծել է նախարարը:

Անդրադառնալով 2017 թ.-ի բյուջետային ծախսերին՝ նախարարը նշել է, որ այն  կազմել է 92 միլիարդ դրամ, որը ծրագրված ցուցանիշի 97 տոկոսն է կազմում, այսինքն,  տարին ամփոփվել է առանց պարտավորությունների կուտակման:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախը պետք է մնա միասնական, ոչ ոք իրավունք ունի Արցախը սպիտակ կամ սեւ ներկելու. ՀՅԴ բյուրոյի ներկայացուցիչ
Հոսվում է, թե Արցախը պետք է բանակցի, ապա խոսվում է թե Արցախում իշխանափոխություն պիտի տեղի ունենա։ Իսկ ո՞րն է մեր ռազմավարությունը, ո՞ւր մնաց Արցախի ինքնորոշման փաստը...
Բակո Սահակյանն ուղերձ է հղել ՀՅԴ Ընդհանուր ժողովի մասնակիցներին
Արցախի պետականության ամրապնդումը, արցախյան հիմնախնդրի արդարացի լուծումը, մեր հանրապետության միջազգային ճանաչումն առանցքային նշանակություն ունեն Հայ Յեղափոխական Դաշնակցության համար, ինչը մենք մշտապես զգում եւ արժեւորում ենք...
Արցախի ԱԳՆ-ը զարգացնում է արտասահմանյան գործընկերների հետ կապերը
Իրականացվել են նաև արտասահմանյան այցելություններ՝ Արցախի Հանրապետության տարբեր նախարարությունների և գերատեսչությունների ղեկավարների մակարդակով․․․
2018 թ. Արցախ է այցելել օտարերկրյա մոտ 45 ԶԼՄ-ներ ներկայացնող 127 լրագրող
Մասիս Մայիլյանը ընդգծել է, որ 2019թ․ Արցախի արտաքին քաղաքական գերատեսչությունը կշարունակի․․․
Կարեն Աբրահամյանը ներկա է եղել հարավային եւ հյուսիսային ուղղությամբ գործող միավորումներում խորհրդակցություններին
Խորհրդակցությունների ընթացքում բանակի հրամանատարը միավորումների եւ զորամասերի հրամկազմին նաեւ խնդիրներ է առաջադրել գալիք...
Քաշաթաղի հարավային թեւում նոր խոշոր ներդրումային ծրագիր կիրականացվի. Արայիկ Հարությունյան
Կարծում եմ՝ Քաշաթաղի հարավային թեւում, որտեղ առկա են մեծաքանակ բերրի հողատարածքներ, ոռոգման ջուր եւ բարենպաստ կլիմայական պայմաններ, ծխախոտագործությունը մեծ հեռանկարներ ունի...