Ամենախոշոր ամերիկյան ավտոարտադրողներից մեկը՝ General Motors-ը (GM), նախատեսում է 2019-ին առանց ղեկի անօդաչու մեքենա թողարկել: Այս մասին հաղորդում է Lenta.ru-ն, հղում անելով GM-ի կայքին:
Ընկերությունը մտադիր է Chevrolet Bolt էլեկտրական մեքենայի հիմքով Cruise AV-ի շարքային արտադրությունը բարելավել:
GM-ի նախագահ Դեն Ամանի խոսքով՝ մեքենայի ստեղծման ուղղությամբ մեկուկես տարի աշխատել են, հայտնում է Financial Times-ը: Նա պարզաբանել է, որ դա առաջին մեքենան է, որը ամենասկզբից առանց ղեկի եւ ոտնակների են մշակել:
The Verge-ը նշում է, որ մեքենայի նախատիպն արդեն փորձարկում են Սան Ֆրանցիսկոյի եւ Ֆինիքսի փողոցներում:
