Հայաստանը կստորագրի կանանց նկատմամբ բռնության կանխման եւ դրա դեմ պայքարի մասին Ստամբուլյան կոնվենցիան: Այս մասին հայտարարել է Եվրոպայի խորհրդի կանանց նկատմամբ բնության դեմ պայքարի հարցերով բաժնի ղեկավար Բրիջիթ Օ՛Լոուգլինը:
Լրագրողների հետ զրույցում ԵՄ ներկայացուցիչը հայտարարել է, թե ուրախ է հայտնել, որ Հայաստանն արդեն հունվարի 18-ին կմիանա կոնվենցիային:
Կոնվենցիան այն վավերացրած կառավարություններին պարտավորեցնում է կոնկրետ միջոցառումներ ընդունել կանանց նկատմամբ բռնության բոլոր ձեւերի դեմ պայքարելու համար՝ հետապնդումից եւ սեռական ոտնձգությունից մինչեւ ընտանեկան բռնություն, ստիպողական ամուսնություններ եւ կանացի սեռական օրգանների խեղումներ:
Կոնվենցիան խթանում է կանխման եւ պաշտպանության միջոցառումները ու պետք է փաստաթուղթը վավերացրած յուրաքանչյուր երկրում հանգեցնի բռնություն իրականացրած անձանց հետաքննությունների, հետապնդումների եւ դատապարտումների մեծացման: