Սաուդյան Արաբիան անիմացիոն «Էմոջի ֆիլմով» նշել է կինոթատրոնների 35-ամյա արգելքի վերացումը: Այս մասին հաղորդում է Telegraph-ը:
Ցուցադրությունն անցկացվել է Ջիդա քաղաքի պետական մշակութային կենտրոնում: Ծրագրի երկրորդ ֆիլմը դարձել է «Կապիտան Վարտիքը»:
Սաուդյան Արաբիայում կինոթատրոններն արգելվել էին դեռեւս 1980-ականների սկզբին, երբ երկրում ուժեղացել էին պահպանողական տրամադրությունները եւ իսլամի կրոնական կարգադրությունների համաձայն՝ որոշվել էր արգելել զվարճանքի հասարակական ձեւերը, հաղորդում է Vesti-ն:
Այս կապակցությամբ Սաուդյան Արաբիայի բնակիչները կինոթատրոն այցելելու համար ստիպված էին հարեւան Բահրեյն մեկնել: Սաուդյան Արաբիայի 32-ամյա արքայազն Մուհամմեդ իբն Սալման Ալ Սաուդը կինոթատրոնների արգելքը վերացնող մի շարք բարեփոխումներ է կատարել: