ՀՀ գյուղատնտեսության նախարար Իգնատի Առաքելյանը Գերմանիայի Դաշնային Հանրապետության պարենի եւ գյուղատնտեսության դաշնային նախարար Քրիստիան Շմիդթի հրավերով մեկնել է Բեռլին՝ մասնակցելու Պարենի եւ գյուղատնտեսության գլոբալ ֆորումին, որն այս տարի անցկացվում է «Անասնաբուծության ապագայի ուրվագծում՝ կայուն, պատասխանատու եւ արդյունավետ կերպով» խորագրի ներքո:
Գյուղնախարարությունից NEWS.am-ին հայտնուեն, որ այցի ընթացքում հունվարի 20-ին նախարար Իգնատի Առաքելյանը կմասնակցի գյուղատնտեսության նախարարների բեռլինյան 10-րդ համաժողովին:
ՀՀ գյուղատնտեսության նախարարը կայցելի նաեւ ԳԴՀ Վայհենշտեֆան-Թրիսդորֆի կիրառական գիտությունների համալսարան` ՀՀ ագրարային բնագավառի մասնագետների պատրաստման եւ վերապատրաստման հարցերը քննարկելու նպատակով:
Նախատեսվում է նաեւ ՀՀ գյուղատնտեսության նախարարի մասնակցությունը «Բեռլինյան կանաչ շաբաթ» ամենամյա միջազգային գյուղատնտեսական եւ սննդի արդյունաբերության հեղինակավոր ցուցահանդեսի բացման արարողությանը:
