Ամերիկացի հեռուստահաղորդավար Ջեյ Լենոն հեռուստադիտողին ներկայացրել է աշխարհի առաջին մասնավոր շքեղ տանկը: Այս մասին հաղորդում է Luxurylaunches-ը՝ վկայակոչելոով CNBC հեռուստաալիքը:
«Ջեյ Լենոյի ավտոտնակը» ավտոմեքենաների մասին հաղորդման ժամանակ հաղորդավարը հանդիպել է մասնավոր տանկեր արտադրող ընկերություններից մեկի հիմնադիրներ Մայքոմի եւ Ջեֆ Հոուի հետ։ Նրանք ներկայացրել են աշխարհում առաջին բիզնես կլասի տանկը։ Այն կառուցված է սովորական ռազմական տանկի հիմքի վրա եւ պատված է դիզայներական փայլփլուն ապակիներով։
Եղբայրները պատմել են, որ նման տրանսպորտային միջոցի ստեղծումը տեւել է վեց ամիս եւ արժեցել 500 հազար դոլար: Այն կարող է հաղթահարել ցանկացած խոչընդոտ: Ներսում հարմարավետ բազմոցներ, ղեկ եւ կառավարման վահան են կառուցված, փոխանցում է Lenta-ն: