57-ամյա ֆրանսուհի Պատրիսիա Դագորն իր 4 հարուստ սիրեկանների թունավորելու համար դատապարտվել է 22 տարվա ազատազրկման. տղամարդկանցից 2-ը մահացել են: Իր հանցանքների համար կինը ստացել է «սեւ այրի» մականունը:
Հետաքննության ընթացքում Պատրիսիա Դագորնը պնդում էր, որ «ընկերություն» է արել տղամարդկանց հետ, որոնց գայթակղել եւ թունավորել է, եւ հերքել է բոլոր մեղադրանքները: Սակայն ոստիկաններին հաջողվել է պարզել, որ կինը հարուստ տարեցների հետ ծանոթանում էր գործակալությունների, հայտարարությունների միջոցով եւ անգամ փողոցում, իսկ հետո թունավորում էր նրանց տագնապամարիչներով (տրանկվիլիզատոր) եւ համոզում իրեն տալ իրենց փողերն ու թանկարժեք իրերը, հաղորդում է Life-ը՝ վկայակոչելով Mirror-ը:
Հինգշաբթի օրը՝ հունվարի 18-ին, Նիցայի դատարանը «սեւ այրուն» 22 տարվա ազատազրկման է դատապարտել: Հետաքրքրական է, որ սա Պատրիսիա Դագորնի առաջին դատվածությունը չէ. ավելի վաղ նա 5 տարի անցկացրել է բանտում գողության եւ խարդախության համար:
