Ֆրանսիայի նախագահ Էմանուել Մակրոնը մեծ խանդավառությամբ է ընդունել Մեծ Բրիտանիայի ԱԳ նախարար Բորիս Ջոնսոնի՝ Լա Մանշ նեղուցով կամուրջ կառուցելու գաղափարը: Մակրոնն այս մասին ասել է Սանդհերստում անցկացվող բրիտանա-ֆրանսիական գագաթաժողովի ընթացքում, հաղորդում է Sky News-ը:
Միեւնույն ժամանակ Դաունինգ սթրիթի վարչապետական գրասենյակում նշել են, որ «այդ գաղափարի վերաբերյալ ծրագրերին ծանոթ չեն»: Սակայն Ջոնսոնը հասկացրել է, որ այդ ուղղությամբ աշխատանքներն արդեն սկսվել են՝ իր Twitter-ում նշելով, որ տնտեսության հաջողությունները կախված են «լավ ենթակառուցվածքից եւ լավ տրանսպորտային հաղորդակցությունից»:
Գագաթաժողովում հունվարի 18-ին ելույթ ունենալով՝ նա նշել է, որ միայն Լա Մանշի երկաթուղային թունելը չի կարող բավարարել մարդկանց եւ ապրանքների տեղափոխման երկու երկրների պահանջները: