Իսրայելի վարչապետ Բենիամին Նեթանյահուն ԱՄՆ փոխնախագահ Մայքլ Փենսի հետ բանակցություններից առաջ երկուշաբթի շնորհակալություն է հայտնել ԱՄՆ նախագահ Դոնալդ Թրամփին Եուսաղեմը հրեական պետության մայրաքաղաք ճանաչելու համար, փոխանցում է ՏԱՍՍ-ը:
Իսրայելի վարչապետի հանդիպումը ԱՄՆ փոխնագահի հետ ներկայումս անցկացվում է Երուսաղեմում վարչապետի նստավայրում:
«Ես ցանկանում եմ շնորհակալություն հայտնել Թրամփին իր պատմական հայտարարության համար (Երուսաղեմի ճանաչման մասին), եւ ես գիտեմ, որ դուք այս որոշմանն աջակցել եք,- ասել է նա՝ դիմելով Փենսին: - Ես ցանկանում եմ ձեզ հետ քննարկել մեր միջեւ (ԱՄՆ-ի եւ Իսրայելի) հրաշալի դաշինքի հետագա ամրապնդման ուղիները, որը երբեք ավելի ամուր չի եղել, ինչպես նաեւ մեր տարածաշրջանում խաղաղության եւ անվտանգության առաջմղման ուղիները, որը մեր ընդհանուր նպատակն է: Մենք առաջին անգամ կարող ենք ասել, որ գտնվում ենք Իսրայելի մայրաքաղաքում՝ Երուսաղեմում»,- նշել է Նեթանյահուն:
