Կրեմլը չի մեկնաբանում քրդական ինքնապաշտպանական ուժերի ներկայացուցչի հայտարարությունը, որը Սիրիայի Աֆրին քաղաքում թուրքական օպերացիայի կապակցությամբ մեղադրել էր Ռուսաստանին դավաճանության համար, հաղորդում է «ՌԻԱ Նովոստի»-ն:
«Ոչ, ես ավելացնելու բան չունեմ նրան, ինչ երեկ ասել եմ Աֆրինում իրականացվող թուրքական օպերացիայի վերաբերյալ»,- ի պատասխան լրագրողների՝ վերոնշյալ հայտարարությունը մեկնաբանելու խնդրանքին ասել է Պեսկովը:
Նախօրեին Պեսկովը հայտարարել էր, որ Կրեմլում ուշադիր հետեւում են սիրիական Աֆրինում թուրքական օպերացիայի ընթացքին, ռուս ներկայացուցիչները կապի մեջ են ինչպես Դամասկոսի, այնպես էլ Անկարայի հետ:
