ԱՄՆ պաշտպանության նախարար Ջեյմս Մեթիսը կոչ է արել Թուրքիային զսպվածություն ցուցաբերել Սիրիայում քրդերի նկատմամբ, հաղորդում է «ՌԻԱ Նովոստի»-ն՝ վկայակոչելով «Ֆրանս Պրես»-ը:
«Բռնությունը Աֆրինում խաթարում է տարածաշրջանի հարաբերական կայունությունը եւ շեղում է միջազգային հանրության՝ «Իսլամական պետության» ջախջախմանն ուղղված ջանքերից»,- նշել է Մեթիսը:
«Մենք կոչ ենք անում Թուրքիային զսպվածություն ցուցաբերել ռազմական գործողություններում եւ հռետորության մեջ»,- Ինդոնեզիայի մայրաքաղաք Ջակարտայում ասել է ԱՄՆ պաշտպանության նախարարը: