Հայաստանի Հանրապետությունը դարձել է Միջազգային ծովային կազմակերպության անդամ: Հայաստանի անդամակցությունը կազմակերպությանը ՄԱԿ-ի գլխավոր քարտուղար Անտոնիո Գուտերեշի կողմից վավերացվել է հունվարի 19-ին, հայտնում է Marinelink-ը:
Աղբյուրի համաձայն՝ Հայաստանը դարձել է Միջազգային ծովային կազմակերպության 173-րդ անդամ երկիրը՝ չհաշված երեք չասոցացված անդամներին (Ֆարերյան կղզիներ, Հոնկոնգ, Մակաո):
Միջազգային ծովային կազմակերպությունը գործում է 1959 թվականից եւ Միավորված ազգերի կազմակերպության մասնագիտացված կազմակերպություն է հանդիսանում, որը պատասխանատու է միջազգային առեւտրի ոլորտում նավագնացության հուսալիության եւ անվտանգության բարձրացման, ինչպես նաեւ ծովի աղտոտման կանխարգելման համար: