ԽՍՀՄ ժողովրդական արտիստ, Չեխովի անվան Մոսկվայի գեղարվեստական թատրոնի եւ «Տաբակերկայի» գեղարվեստական ղեկավար Օլեգ Տաբակովը դեռեւս գտնվում է Պիրոգովի անվան առաջին քաղաքային հիվանդանոցում, «ՌԻԱ Նովոստի»-ին հայտնել են հիվանդանոցի ընդունարանում:
«Այո, այստեղ է, ոչ մի բան չենք կարող հայտնել»,- ասել է գործակալության զրուցակիցը:
Ավելի վաղ լրատվամիջոցներում տեղեկություն էր հրապարակվել, որ Տաբակովին նորից թոքերի արհեստական օդափոխության սարքին են միացրել, չնայած Ամանորին վիճակի բարելավմանը: Նրա վիճակը ծանր է գնահատվում, եւ բժիշկները դերասանի առողջանալու վերաբերյալ բացասական կանխատեսում են կատարում: Լրատվամիջոցների տեղեկություններով՝ բժիշկները հաստատել են, որ Տաբակովի ազգականները հիվանդանոց են հրավիրել հոգեւորականի:
82-ամյա Տաբակովի հոսպիտալացման մասին հայտնի է դարձել նոյեմբերի վերջին: Առաջին քաղաքային հիվանդանոցի տեղեկատուից հայտնել էին, որ դերասանը հոսպիտալացվել է վերակենդանացման բաժանմունքում: Ավելի ուշ Օլեգ Տաբակովի Մոսկովյան թատրոնի մամուլի ծառայությունից հայտնել էին, որ դերասանի վիճակը «անփոփոխ կայուն է»: Հունվարի սկզբին Մոսկվայի փոխքաղաքապետ Լեոնիդ Պեչատնիկովը հաստատել էր, որ Տաբակովը բժիշկների հոսկողության ներքո է, եւ առայժմ դուրս գրելու մասին խոսք չկա: