News
Լրահոս
News
Երկուշաբթի
Հոկտեմբեր 22
Տեսնել լրահոսը

Վերջին ամիսներին եւ մասնավորապես հունվարի 1–ից առաջին սպառման ապրանքների թանկացումից երջանկացողներ էլ կան։ Սա նկատել է  մասնավորապես գյուղատնտեսության նախարար Իգնատի Առաքելյանը։ Նա NEWS.am–ի հետ զրույցում ուշադրությունը հրավիրեց մեր  համաքաղաքացի միս արտադրողի ապրումների վրա, որը երջանիկ է, քանի որ ստացած շահույթի արդյունքում կարողանում է վարկերը փակել։ Իգնատի Առաքելյանը  տարակուսանքով  հակադարձեց  ընդդիմախոսներին՝ ի՞նչ է, չթողնե՞նք գյուղացին լավ ապրի։

«Միս արտադրողը երջանիկ է էսօր, որովհետեւ մսի գինը թանկացել է, նա կարողանում է շահույթ ստանալ, իր վարկերը փակել, մնալ գյուղում, իր երեխային դպրոց ուղարկել, հագուստ գնել, հիմա ինչ եք առաջարկում, չթողնենք՞, որ լավ  ապրի գյուղացին»,–ասաց Իգնատի Առաքելյանը։ Այնպես չէ, որ նախարարի մտահոգության տիրույթից դուրս է մնացել  սոցիալական խոցելի խավը, որին անմատչելի են միսն ու կարագը եւ խորթ միս արտադրող համաքաղաքացու երջանիկ ապրումները, նախարարն այս խավին առաջարկում է սպասել մինչեւ կառավարության՝ գյուղատնտեսության ոլորտում ներդրվող տեխնոլոգիաները պտուղներ կտան։ Եւ ամենակարեւորը, տեսականորեն հնարավոր է, որ ներմուծվող ապրանքների թանկացումը կարող է նպաստել տեղական արտադրության զարգացմանը, ինչն էլ հերթին կնպաստի գների անկմանը։  

«Թանկացումը կարող է բերել արտադրության զարգացման, եթե  թանկացումը կապված է միջազգային շուկայի հետ։ Օրինակ, մսի գնի թանկացումը կապված է դրսի պահանջարկի հետ ու բնակլիմայական պայմանների հետ, ձեւավորվել է արտահանման մի գին, որը թույլ է տալիս անասնապահության դեպքում զարգացնել գլխաքանակը։ Մենք հանդիպել ենք տավարաբույծների հետ, մեզ մոտ կան լավ տնտեսություններ, որոնք դրական են նայում էսօրվա ստեղծված իրավիճակին, որ կարողանան զարգացնել արտադրությունը»,–մեկնաբանեց նախարարը՝ շարունակելով, թե արտահանման մեծ պահանջարկն էլ  իր հերթին կբերի  ՀՆԱ–ի աճին, հարկերի ավելացմանը, որով էլ հնարավոր կլինի սոցիալական ծրագրերով  խոցելի խավի քիմքին մոտեցնել միսն ու կարագը։ Իգնատի Առաքելյանի օպտիմիստական կանխատեսումների շղթան ընդհատեցինք հետեւյալ հարցով՝ ե՞րբ իրականություն կդառնա իր նկարագրած իրավիճակը։ «Լինելու է տեխնոլոգիաների ներդրում, որը թույլ կտա արդյունավետություն բարձրացնել ու համապատասխանաբար շուկայական գին ձեւավորել, եթե կիջնի՝ կիջնի։  Այսինքն՝ կաթիլային համակարգ, բարձրակարգ սարքավորումներ բերելը եւ այլն.... Անասնապահության զարգանալու դեպքում, համապատասխանաբար կաթի արտադրությունն էլ է զարգանալու, որը կարող է բերել կարագի արտադրությանը, իսկ այսօր չունենք այն ծավալով կաթ, որ ապահովենք կարագի ներքին արտադրությունը, հիմնականում պանիրն են արտադրում, որն էլ գնում է դրսի շուկա։ Մեր արտադրողները կենտրոնացած են դրսի շուկայի վրա»,–պատմեց նախարարը։ Իսկ որպես կարճ ժամանակահատվածում ակնկալվող արդյունք՝ Իգնատի Առաքելյանը շեշտեց գյուղացիական տնտեսությունների կողմից ձեռքբերվող դիզվառելիքի սուբսիդավորումը։ Նշենք, որ Սերժ Սարգսյանը հանձնարարել էր Աժ լսումներ  հրավիրել եւ  հանրությանը բացատրել թանկացումների պատճառները,ապա  թանկացումները մեղմող մեխանիզմներ գտնել։ Ի դեպ գյուղացիական տնտեսությունների համար դիզվառելիքը սուբսիդավորվել է մինչեւ 2017 թվականը։ Որոշվել էր, որ 2018–ից չեն սուբսիդավորելու, այն էլ վերանայվեց դիզվառելիքի թանկացման պատճառով։ Գյուղատնտեսության ոլորտի պատասխանատուն շեշտեց, որ իրենց ծրագրերը միտված են թանկացումների հաջորդ փուլի դիմակայմանը, որը կարող է տեղի ունենալ 5–7 տարի հետո։ «Հարցն այն է , որ մեր  ծրագրերը միտված են նրան,որ հաջորդ ճգնաժամին կարողանանք դիմակայել։ Էսօր խոսել նրանից, թե եղած իրավիճակը ոնց արագ շտկենք, սխալ ուղղություն է, մենք էսօր պետք է քայլեր  ձեռնարկենք հաջորդ ճգնաժամի դեմ պայքարելու համար, ինչը թույլ կտան այսօր նորդրվող տեխնոլոգիաները»։ Մեր հարցին՝ կարո՞ղ ենք ասել, որ Սերժ Սարգսյանի՝ լսումներ  հրավիրելու հանձնարարությունը թանկացումները Աժ բարձր ամբիոնից արդարացնելու նպատակով էին,  Իգնատի Առաքելյանը  պատասխանեց, որ այդ  հանձնարարականի  արդյունքում է որոշվել գյուղացիական տնտեսությունների համար ձեռք բերվող դիզվառելիքը սուբիսդավորել։ Իգնատ Առաքելյանը այսքանով թանկացումները մեղմելու հարցը փակված է համարում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
630 մարդ չգիտի՝ ինչու է փակվում Ալավերդու պղնձաձուլական գործարանը. աշխատողները սպասում են Ավինյան–Մեջլումյան հանդիպմանը
Աշխատակիցները լիարժեք տեղեկացված չեն՝ ինչն է խնդիրը...
Եթե հանգամանքները ստիպեն, ընկերությունը կիրացնի իր բոլոր հնարավորությունները. «Լիդիան Արմենիայի» տնօրեն
Հունիսից չի կարող պահել իր աշխատակազմին, եթե հնարավոր չլինի մուտք գործել հանքի տարածք եւ շարունակել շինարարական աշխատանքները...
Մոսկովյան «ПромБиоФит»-ը մտադիր է ընդլայնել հայկական ընկերությունների հետ համագործակցությունը
Այդ նպատակով ընկերությունը մասնակցել է EXPO-RUSSIA ARMENIA-ին․․․
Հայաստանից նույնիսկ գերան էին արտահանում, սա աբսուրդ է. Փաշինյան
Հանձնարարություն է եղել, որ բնակավայրի բնակիչներին վառելափայտն ապահովել սանիտարական հատումների շրջանակներում, բայց մենք պետք է վերջ տանք...
Ալավերդու պղնձաձուլարանի հետ կապված մենք լուծումներ ենք փնտրում․ Վարագ Սիսեռյան
Բացի այդ՝ այսօր երեկոյան ընդունելու եմ Ալավերդու պղնձաձուլարանի մի խումբ աշխատակիցների՝ նրանց հուզող հիմնախնդիրները լսելու նպատակով...
Քննարկվել են Հայաստանի եւ Չինաստանի Հուբեյ նահանգի միջեւ համագործակցության հնարավորությունները
Անդրադարձ է եղել հատկապես Հյուսիս-հարավ ճանապարհային միջանցքի ներդրումային ծրագրին, ներկայացվել է ծրագրի ռազմավարական նշանակությունը…
Ամենաշատ
Partner news