Թուրքիայի նախագահ Ռեջեփ Թայիփ Էրդողանը իր ղեկավարած «Արդարություն եւ զարգացում» կուսակցության նահանգային առաջնորդների հետ հանդիպման ժամանակ խոսել է Աֆրինի գործողություններից։
Թուրքական Cumhuriyet–ի փոխանցմամբ՝ Թուրքիայի նախագահը պնդել է, թե իրենք Աֆրին չեն մտել օկուպացնելու, այլ այնտեղ գտնվող «ահաբեկիչներին» չեզոքացնելու համար, որից հետո նախատեսում են շարունակել Մինբիջում եւ հասնել Իրաքի հետ սահման։
Էրդողանը, նշելով, որ ցանկանում են Աֆրինի գործողությունները ԱՄՆ–ի հետ միասին անել, շարունակել է. «Մենք 7 օր է՝ Աֆրինում ենք, իսկ ԱՄՆ–ը Իրաքում 18, Աֆղանստանում 20 տարի է հաստատված»։