Ղրղզստանի մայրաքաղաք Բիշքեկում սառնամանիքի հետեւանքով տասնյակ բնակիչներ են մահացել: «Բիշքեկում հունվարին ցրտահարումից 15 մարդ է մահացել, հիմնականում` անտուն մարդիկ»,- հաղորդում է «Կաբար» լրատվական գործակալությունը` վկայակոչելով երկրի ներքին գործերի գլխավոր վարչությունը:
Նշվում է, բոլոր մահացածները հայտնաբերվել են առանց կյանքի նշանների: Քաղաքային իշխանությունները միջոցներ են ձեռնարկում հետագա կորուստները կանխելու համար: «Անցյալ շաբաթ հատուկ բնակության վայր չունեցող 239 մարդ է հայտնաբերվել, որոնք սոցիալական կացարաններ են ուղարկվել»,- նշել են վարչությունում:
Օդերեւութաբանների տվյալներով՝ Ղրղզստանում անսպասելի ցուրտ եղանակը կավարտվի մինչեւ հունվարի վերջ: Հանրապետության մայրաքաղաքում ջերմաստիճանը նվազել է մինչեւ 15 աստիճան, առաջիկա օրերին լեռնային շրջաններում մինուս 45 աստիճան ցուրտ է սպասվում:
