Հայաստանի արտաքին գործերի նախարար Էդվարդ Նալբանդյանը հրաժարվել է «Առեւտրային միջանցքների մասին» ռուս-վրացական համաձայնագրի հեռանկարների քննարկումից:
Հունվարի 29-ին կայացած մամուլի ասուլիսին, պատասխանելով ճանապարհի բացման հնարավորության եւ Հայաստանի դիրքորոշման վերաբերյալ հարցին, նախարարը շեշտեց, որ հայկական կողմը բազմիցս ասել է, որ շահագրգռված է ճանապարհի բացմամբ: «Սա բանակցային գործընթաց է: Եվ եթե հիմա մենք հայտարարելու բան ունենայինք, ապա կասեինք՝ առանց հարցի սպասելու»,- նշեց նախարարը:
Հիշեցնենք, որ ավելի վաղ ՌԴ ԱԳ փոխնախարար Գրիգորի Կարասինը հայտարարել էր, որ «Առեւտրային միջանցքների մասին» ռուս-վարացական համաձայնագիրը երրորդ երկրների, այդ թվում նաև Հայաստանի համար պարտավորություններ չի ստեղծի: