News
Լրահոս
News
Երեքշաբթի
Օգոստոս 21
Տեսնել լրահոսը

ՀՀ գյուղատնտեսության նախարար Իգնատի Առաքելյանն այսօր ընդունել է Հայաստանում Լիբանանի Հանրապետության նորանշանակ արտակարգ եւ լիազոր դեսպան Մայա Դաղերին:

Գյուղնախարարությունից NEWS.am-ին հայտնում են, որ շնորհավորելով դեսպանին Հայաստանում դիվանագիտական առաքելության մեկնարկի կապակցությամբ` նախարար Իգնատի Առաքելյանը հույս է հայտնել, որ նրա պաշտոնավարման շրջանում գյուղատնտեսության բնագավառում հայ-լիբանանյան հարաբերությունները կշարունակեն խորանալ եւ ընդլայնվել:

«Հայաստանի եւ Լիբանանի միջեւ առկա է գյուղատնտեսության բնագավառում համագործակցության մեծ ներուժ, եւ մենք պատրաստ ենք լիբանանյան կողմի հետ քննարկել տարբեր առաջարկներ, այդ թվում` նաեւ ներդրումային ծրագրերի իրականացման եւ արտահանումների կազմակերպման վերաբերյալ», – ողջունելով հյուրին` նշել է նախարար Իգնատի Առաքելյանը:

Գյուղատնտեսության ոլորտում  որպես հայ-լիբանանյան համագործակցության լավագույն օրինակ կողմերը, մասնավորապես, հիշատակել են «Գարդենիա Լեբանիզ Ֆարմս» ընկերության գործունեությունը, որի ջանքերով 2015 թվականին Կոտայքի մարզի Եղվարդ համայնքում հիմնվել են «պեկան» տեսակի ընկուզենու այգիներ:

Ելնելով Հայաստանի եւ Լիբանանի աշխարհագրական դիրքի նմանությունից` երկուստեք ընդգծվել է գյուղատնտեսության բնագավառում երկու երկրների միջեւ փորձի փոխանակման կարեւորությունը:

Հանդիպման ավարտին պայմանավորվածություն է ձեռք բերվել քայլեր ձեռնարկել 2004 թվականի ապրիլին «ՀՀ եւ ԼՀ գյուղատնտեսության նախարարությունների միջեւ գյուղատնտեսության բնագավառում համագործակցության մասին» համաձայնագրի շրջանակում գյուղատնտեսության ոլորտում հայ-լիբանանյան համագործակցության ընդլայնման եւ երկու երկրների գյուղատնտեսության նախարարությունների միջեւ գործնական կապերի ամրապնդման ուղղությամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Կոտայքը» նորովի է ներկայացել Երեւանի գարեջրի հոբելյանական 5-րդ փառատոնին (ֆոտո)
Գարեջրի փառատոնին ամեն տարի մատուցման յուրահատուկ ձեւով եւ նորություններով է ներկայանում արդեն 23 տարի գարեջրի արտադրությամբ զբաղվող…
Դոլարի փոխարժեքը աննշան նվազել է. եվրոն ու ռուբլին թանկացել են
Թանկարժեք մետաղների համար բանկի կողմից սահմանվել են հետեւյալ գները ...
Շուկան եւ պատվիրատուն կարող են ունենալ տարբեր պահանջներ, որոնք երբեմն հակոտնյա են հանրության շահերին. Ավինյան
Մենք պետք է նորովի մտածենք եւ վերագնահատենք, թե հատկապես ինչ է այսօր հարկավոր կառուցել մեր երկրում...
«Լիդիան Արմենիա»-ի կին աշխատակիցները բաց նամակ են հղել ՄԻՊ-ին եւ ոստիկանությանը
Մեզանից շատերը «Լիդիան»-ում աշխատելու ընթացքում ձեռք ենք բերել նոր հմտություններ, շատերը ստացել են նոր մասնագիտություն, վերաորակավորում...
Հուլիսին տնտեսական ակտիվության երկնիշ ցուցանիշ ենք ունեցել՝ 11.1 տոկոս. Փաշինյան
Բայց կարեւոր է, որ կառավարությունը այս առումով վարում է հավասարակշռված եւ շրջահայաց քաղաքականություն՝ տնտեսական ցնցումներից զերծ մնալու համար...
Առկա է ներդրումների ներգրավման շուրջ 42 մլն դոլարի և 20 մլն եվրոյի կանխատեսվող ներուժ
Հայաստանի ներդրումային գրավչության, ներդրումային կանոնների հստակեցման՝ այդ թվում՝ կանխատեսելի օրենսդրական և գործարար միջավայրի ձևավորման...
Partner news