Աշխարհում աենահանրահայտ կրիպտոարժույթ բիթքոինը (bitcoin) երկուշաբթի առավոտյան սակարկությունների ընթացքում գրեթե 10 տոկոսով էժանանում է, ներդրողներն արձագանքում են հարավկորեական բորսայից կրիպտոարժույթի գողության մասին լրատվամիջոցների տեղեկություններին: «ՌԻԱ Նովոստի»-ի փոխանցմամբ՝ այս մասին վկայում են սակարկությունների տվյալները: 

CoinMarketCap պորտալի տեղեկություններով՝ բիթքոինն էժանացել է 10,3 տոկոսով՝ մինչեւ 8.29 հազար դոլար: Bitfinex բորսայում կրիպտոարժույթի գինը նվազել է 11,9 տոկոսով՝ մինչեւ 8,21 հազար դոլար, GDAX-ում 11,54 տոկոսով՝ մինչեւ 8,2 հազար դոլար: Coindesk պորտալի տեղեկություններով, որը ըստ բիթքոինի արժեքի գնահատում է դրա միջին գինը 4 խոշորագույն կրիպտոբորսաներում, վիրտուալ արժույթի գինն աճել է 0,07 տոկոսով՝ մինչեւ 8,19 հազար դոլար:

Նվազում է նաեւ մյուս հայտնի կրիպտոարժույթների արժեքը: CoinMarketCap-ի տեղեկությունների համաձայն՝ Ethereum-ն էժանանում է 11,58 տոկոսով, մինչեւ 846,5 դոլար, Bitcoin Cash-ը՝ 10,67 տոկոսով, մինչոեւ 1,13 հազար դոլար, Ripple-ն՝ 13,04 տոկոսով, մինչեւ 0,81 դոլար: Կրիպտոարժույթների շուկայի կապիտալիզացիան այս պահին կազմում է մոտ 394 մլրդ դոլար: Կրիպտոարժույթների շուկայի ընդհանուր կապիտալիզացիայի մեջ բիթքոինի բաժնեմասը կազմում է մոտ 35 տոկոս: