Լոնդոնի դատարանը վեց տարի առաջ WikiLeaks- ի հիմնադիր Ջուլիան Ասանժին կալանավորելու համար տրված հրամանագիրն ուժի մեջ է թողել: Այս մասին հայտնել է մագիստրական դատարանի դատավոր Էմմա Արբութնոթը, հաղորդում է BBC-ն:
Ասանժը 2012 թվականին ապաստան է ստացել Լոնդոնում Էկվադորի դեսպանատանը, երբ բրիտանական դատարանը նրան կալանավորելու հրաման էր տվել՝ նրան շվեդական իշխանություններին արտահանձնելու գործով, որոնք հետաքննում էին նրա դեմ հարուցված սեռական ոտնձգությունների մասին մեղադրանքները:
Այդ ժամանակվանից 6 տարի շարունակ Ասանժը դուրս չէր եկել դեսպանատան սահմաններից՝ արտաքին աշխարհի հետ շփվելով միայն համացանցով, հազվադեպ ընդունելով այցելուներ: Այդ ընթացքում Շվեդիայում նրա գործով հետաքննությունը դադարեցվել էր:
Այնուամենայնիվ, նրան կյալանավորելու բրիտանական դատական հրամանագիրը շարունակում է ուժի մեջ մնալ եւ եթե Ասանժը դուրս գա դեսպանատան տարածքից, նա անմիջապես կկալանավորվի:
Ասանժը վախենում է, որ եթե նա դուրս գա Էկվադորի դեսպանատնից, նա կձերբակալվի եւ կհանձնվի ԱՄՆ իշխանություններին, որոնք ուսումնասիրում են իր կողմից հիմնադրված WikiLeaks կայքի գործունեությունը:
Նրա փաստաբանները նշում են, որ բրիտանական իշխանությունները հրաժարվում են հաստատել կամ հերքել Ասանժին արտահանձնելու ամերիկյան պահանջը: