Կառավարությունը հաստատեց սահմանամերձ գյուղերի ցանկը, որտեղ կկիրառվի արտոնյալ արտոնագրային հարկ: Համապատասխան որոշումը հավանություն ստացավ կառավարության փետրվարի 8-ի նիստում: Որոշման նախագիծը ներկայացրեց Պետական եկամուտների կոմիտեի նախագահ Վարդան Հարությունյանը:
Նրա խոսքով՝ ցանկի մեջ ընդգրկված են Հայաստանի տարբեր մարզերի 203 սահմանամերձ գյուղեր:
«Այս գյուղերում կգործի արտոնագրային հարկի արտոնյալ դրույք, որը 3-7 անգամ ցածր կլինի, քան մյուս գյուղերում՝ կախված ընկերության գործունեության տեսակից»,- նշեց Վարդան Հարությունյանը: