Ամստերդամի իշխանությունները զբոսաշրջիների վարքի կանոնները խստացրել են տեղական «կարմիր լապտերների թաղամասում», որտեղ գտնվում են հասարակաց տները: Նոր կանոններն ուժի մեջ կմտնեն ապրիլից, նշել են Ռուսաստանի տուրօպերատորների ասոցիացիայից, հայտնում է Meduza-ն:
Կարգելվի թաղամասում մեծ խմբերի էքսկուրսիաներ անցկացնել՝ խմբի անդամների թիվը 20 մարդուց չպետք է անցնի: Զբոսաշրջիկները չեն կարող մարմնավաճառներին լուսանկարել եւ համառորեն նրանց նայել. էքսկուրսավարները պետք է հետեւեն, որ կանգառների ժամանակ եկվորները ցուցափեղկերին մեջքով կանգնեն:
Սրանից զատ, թաղամասով անցնող բոլոր էքսկուրսիաները պետք է ավարտվեն մինչեւ երեկոյան ժամը 11-ը, ամբողջությամբ արգելված է ալկոհոլի եւ թմրանյութերի օգտագործումը: Այս կանոնների խախտման դեպքում էքսկուրսավարները կտուգանվեն 190-ից մինչեւ 950 եվրոյով:
Նոր կանոնները մտցվել են մարմնավաճառների մասնավոր կյանքին միջամտությունները սահմանափակելու համար:
