News
Լրահոս
News
Շաբաթ
Հունվար 25
USD
478.87
EUR
528.43
RUB
7.75
ME-USD
0.05
Տեսնել լրահոսը

Հայկական արվեստին տարբեր առիթներով հոտնկայս ծափահարել է ԱՄՆ-ի քաղաքական, տնտեսական եւ դիվանագիտական վերնախավը: Սակայն Միացյալ Նահանգների արդարադատության նախարարության հայտարարության համաձայն, որոշ անձինք հայկական մշակույթի պատրվակով օգնում են հայաստանցիներին կեղծ ճանապարհով ԱՄՆ-ի վիզաներ ստանալ: Այդ մասին հայտնում է «Ամերիկայի ձայնը»։

Իրավապահների հաղորդմամբ, Նյու Յորքի Բրուքլին թաղամասի դատարանում մեղադրանք է ներկայացվել Հայաստանից Միացյալ Նահանգներ տեղափոխված, ներկայումս՝ ԱՄՆ-ի քաղաքացի 47-ամյա Ստելա Բոյաջյանին, ինչպես նաեւ Հայաստանի քաղաքացիներ 30-ամյա Հրաչյա Աթոյանին ու 41-ամյա Դիանա Գրիգորյանին: Հրաչյա Աթոյանն այժմ խախտելով իր վիզայի ժամկետը բնակվում է Գլենդելում առանց որեւէ իրավական կարգավիճակի, մինչդեռ Դիանա Գրիգորյանն, ում դատական թղթերում նաեւ «Դինա Ակոպովնա» են անվանում, այժմ Հայաստանում է:

Մեղադրանքի համաձայն, 2013-ից 2014 թվականները Ստելա Բոյաջյանն իր ղեկավարած Big Apple Music Awards Foundation ընկերության միջոցով Հայաստանից պարային եւ երաժշտական կեղծ խմբեր էր հրավիրում Միացյալ Նահանգներ: ԱՄՆ-ի օրենքների համաձայն, արվեստի գործիչների համար Միացյալ Նահանգներ P-3 մուտքի վիզա ստանալն ավելի հեշտ է քան ավանդական զբոսաշրջիկների համար, ովքեր պետք է ապացուցեն, որ Հայաստան են վերադառնալու:

Իրականում, երաժշտական եւ պարային խմբերի փոխարեն Հայաստանից Միացյալ Նահանգներ էին ժամանում դրանց հետ որեւէ կապ չունեցող անձինք՝ ներկայանալով որպես երաժիշտներ եւ պարողներ: Յուրաքանչյուր անձից իրենց ապօրինի ծառայության համար մեղադրյալները ստանում էին 3,000-15,000 դոլար, հաղորդում է ԱՄՆ-ի արդարադատության նախարարությունը:

Միացյալ Նահանգների հյուպատոսական ծառայությանը խաբելու նպատակով Հայաստանում կեղծ պարային համույթների անդամներին լուսանկարում էին ավանդական հայկական պարային զգեստներով, իսկ ԱՄՆ-ում կեղծ համերգներ կազմակերպում, պատրաստելով կեղծ ցուցանակներ եւ կեղծ թռուցիկներ:

Դրանից բացի, արդեն Միացյալ Նահանգներ իրենց օգնությամբ ապօրինի ժամանած քաղաքացիներին հավելյալ գումարով մեղադրյալներն օգնում էին երկարաձգել վիզաները՝ հայկական մշակույթի տարածման պատրվակով: Հատկանշական է, որ իրենց ապօրինի գործունեությունը եւ յուրաքանչյուր անձից ստացվող գումարի չափը մեղադրյալները քննարկել են նաեւ Ֆեյսբուկ սոցցանցի միջոցով:

Թեեւ Big Apple Music Awards Foundation ընկերության կայքում նշված հեռախոսահամարն անջատված էր, «Ամերիկայի Ձայն»-ին հաջողվել էր հեռախոսով կապվել մեղադրյալներից մեկի՝ Ստելա Բոյաջյանի հետ, ով հայտնեց, որ հերքում է բոլոր մեղադրանքները եւ խոստացավ իր դիրքորոշումն առավել մանրամասն հաղորդել պաշտպանի միջոցով, ով տեսանյութի եթեր դուրս գալու ժամին մեզ այդպես էլ կապ չէր հաստատել:

Տպել
Կարդացեք նաև
Ամբողջը
Գերմանական Ռոտ-ամ-Զեից հրաձիգը սպանել է սեփական ծնողներին. ԶԼՄ-ներ
Նա պատմել է, որ Ռոտ-ամ-Զե համայնքի Բանհոֆշտրասսեի սրճարանում, որտեղ տեղի է ունեցել դեպքը, հայտնաբերվել է երեք տղամարդու (26, 65 եւ 69 տարեկան), ինչպես նաեւ երեք կնոջ (36, 56 եւ 62 տարեկան) դի…
Բացահայտվել է Նորաշեն գյուղում կատարված դանակահարության դեպքը
Բուժհաստատություն մեկնած օպերատիվ-քննչական խումբը պարզեց, որ Նորաշեն գյուղի փողոցներից մեկում․․․
Շիրակում բերման են ենթարկվել «քրեական ենթամշակույթ» կրող անձինք. Գտել են դանակներ, թմրամիջոցներ, հոգեներգործում հաբեր
Կատարվել են անձնական խուզարկություններ ու մեքենաների զննություններ...
«Իրավունք». Գողական մեծ «սխոդկա» է սպասվում
Գողականներին պատասխանատվության ենթարկելու մասին օրենքի նախագիծը ընդունվելուց հետո քրեական աշխարհում իրարանցում է սկսվել...
Մեքսիկայի հարավում վեց տարեկանից մեծ երեխաներին զինել են ավազակներից պաշտպանվելու համար
6-15 տարեկան երեխաներին զինել են ավազակներից պաշտպանվելու համար...
Ապակու դրսի հատվածը եղել է կոտրված, ինչը դատավոր Տաթևիկ Գրիգորյանը հայտնաբերել է հունվարի 8–ին. Գոռ Աբրահամյան
Հունվարի 21-ին երկու ապակիների արանքում գնդակը հայտանաբերելուց հետո է Տաթեւիկ Գրիգորյանը դիմել ոստիկանություն…