Վիրջինիա նահանգի Վերաքննիչ դատարանը վճռել է, որ ներգաղթի մասին նախագահ Դոնալդ Թրամփի հրամանագրի վերջին տարբերակը, որ վերաբերում է հիմնականում մահմեդական բնակչություն ունեցող վեց երկրների քաղաքացիների մուտքի սահմանափակումներին, խախտում է ԱՄՆ Սահմանադրությունը, քանի որ դա կրոնական խտրականության դրսեւորում է, հաղորդում է «Ամերիկայի ձայնը»:
Ռիչմոնդում 4-րդ շրջանի Վերաքննիչ դատարանը դարձավ դաշնային երկրորդ վերաքննիչ դատարանը, որը Թրամփի հրամանագրի դեմ վճիռ է կայացրել:
Գերագույն դատարանը որոշել էր, որ հրամանագրով նախատեսված սահմանափակումները կարող են ուժի մեջ մտնել մինչեւ այս գործի դատավարության ավարտը: Ապրիլին Գերագույն դատարանը լսել էր հրամանագրի օրինականության վերաբերյալ կողմերի փաստարկները եւ հունիսին կհրապարակի վճիռը:
