Հյուսիսային Կորեայում (ԿԺԴՀ) պետական տոն է՝ Ուղեցույց աստղի օրը (նախկին առաջնորդ Կիմ Չեն Իրի ծննդյան տարեդարձը)։ Ներկայիս հյուսիսկորեական առաջնորդ Կիմ Չեն Ընը լույս ուրբաթ գիշերը այցելել է Փհենյանի «Կիմսուսան» գերեզմանատուն, որպեսզի խոնարհվի եւ ծաղիկներ դնի հոր շիրիմին, փոխանցում է «ՌԻԱ Նովոստին»։
Կորեայի կենտրոնական հեռագրային գործակալության հաղորդմամբ՝ Կիմ Չեն Ընը մի շարք բարձրաստիճան պաշտոնյաննների եւ ռազմական գործիչների հետ եղել է «Կիմսուսան» գերեզմանատանը, որտեղ հանգչում են նրա հայրն ու պապը՝ Հյուսիսային Կորեայի առաջին նախագահ Կիմ Իր Սենը։
«Կիմսուսան» գերեզմանատանը կանգնեցված նախկին հյուսիսկորեական առաջնորդների հուշարձանին զինվորական պահակախումբը ծաղիկներ է դրել։
Կիմ Չեն Ընի հետ միասին նրա հոր հիշատակին հարգանքի տուրք է մատուցել, մասնավորապես, Կորեական աշխատանքային կուսակցության կենտրոնական կոմիտեի փոխնախագահ եւ ԿԺԴՀ Պետական խորհրդի փոխնախագահ Ցոյ Ռյոն Հեն, որը ԿԺԴՀ-ում համարվում է «երկրորդ» խոշորագույն դեմքը:
Կիմ Չեն Իրը մահացել է 2011 թվականին, այժմ նա կլիներ 76 տարեկան։ Կիմ Չեն Ընը ժառանգել է իշխանությունը, ինչպես իր հայրը 1994 թվականին շառանգել էր Կիմ Իր Սենից։
