Քրդական Կանանց ինքնապաշտպանական ջոկատների (YPJ) մարտիկները հակատանկային հրթիռային համակարգով ոչնչացրել են թուրքական զինված ուժերի ACV-15 զրահամեքենա: Դա տեղի է ունեցել Սիրիայի Աֆրինի շրջանի հյուսիսում, հայտնում է Al Masdar News-ը:
Փետրվարի 5-ին հաղորդվել էր, որ համանման զրահամեքենա են ոչնչացրել Ժողովրդական ինքնապաշտպանության ջոկատների (YPG) անդամները: Այն ոչնչացվել էր խորհրդային հակատանկային «Ֆագոտ» հրթիռային համալիրով:
Հունվարի 20-ից Թուրքիան սիրիական Աֆրինում քրդական կազմավորումների դեմ անցկացնում է «Ձիթենու ճյուղ» գործողությունը: Անկարան քրդական «Դեմոկրատական միություն» (PYD) կուսակցության եւ նրա զինված «Ժողովրդական ինքնապաշտպանության ջոկատների (YPG) ներկայացուցիչներին ահաբեկչներ է համարում, որոնց շարքերում կանայք են մարտնչում:
