Արագածոտնի մարզում դպրոցի տնօրենը հայտնվել է դատարանում աշակերտին կեղծ ավարտական վկայական տալու մեջ:
Ըստ մեղադրանքի՝ Լուսակն համայնքի հիմնական դպրոցի տնօրեն Տաթեւիկ Մնացականյանը 9-րդ դասարանի աշակերտի կողմից Հայաստանից բացակայելու, փաստացի կրթություն չստանալու եւ ավարտական քննություններ չհանձնելու պայմաններում, նույն դպրոցի մի խումբ ուսուցիչների օժանդակությամբ ակնհայտ կեղծ տեղեկություններ եւ գրառումներ է մտցրել ավարտական քննական արձանագրություններում եւ դասամատյաններում: Այս հիմքով էլ նա աշակերտին տրամադրվել է պաշտոնեական փաստաթուղթ հանդիսացող կեղծ ավարտական վկայական:
Տաթեւիկ Մնացականյանին մեղադրանք է առաջադրվել Քրեական օրենսգրքի 314-րդ հոդվածի 1-ին մասով: Նա ստորագրությամբ ազատ է արձակվել:
Գործը քննվելու է Արագածոտնի մարզի ընդհանուր իրավասության դատարանում: