Իրանական Սպահան նահանգում վթարի ենթարկված Aseman Airlines ավիաընկերության ATR-72 ուղեւորատար ինքնաթիռը տեխնիկական անսարքություններ չի ունեցել: Այդ մասին հաղորդել է ընկերության աշխատակազմի վերապատրաստման եւ հավաքագրման վարչության պետ Բահադուր Աշաիրին, հաղորդում է ՏԱՍՍ-ը:
«Իրանի քաղաքացիական ավիացիայի վարչությունը իրավունք ունի եզրակացություններ անել, քանի որ պատասխանատու է վթարի պատճառների պարզման համար», - մեջբերում է նրա խոսքերը Fars գործակալությունը կիրակի օրը:
Հիշեցնենք, որ Aseman Airlines ավիաընկերության ATR օդանավը, որը Թեհրան-Յասուջ չվերթն էր կատարում, կիրակի առավոտյան տեղական ժամանակով 8-ին օդ էր բարձրացել եւ գրեթե 50 րոպե հետո անհետացել: Եղանակային վատ պայմաններում օդանավը մխրճվել է Դենա լեռնաշղթայի մեջ, երբ քիչ անց հասնելու էր վերջնակետին: Օդանավում եղել է 66 մարդ՝ 60 ուղեւոր, այդ թվում՝ մեկ երեխա ե անձնակազմի 6 անդամ:
