ԱՊՀ երկրների հակաահաբեկչական կառույցների ղեկավարները կհավաքվեն մերձմոսկովյան Օդինցովո վայրում՝ փոխակերպվող համաշխարհային ահաբեկչական սպառնալիքի պայմաններում համատեղ աշխատանքի ուղղությունները համաձայնեցնելու համար։ Այս մասին հաղորդեել է ԱՊՀ Հակաահաբեկչական կենտրոնի մամուլի բյուրոն։
Նախատեսվում է ԱՊՀ երկրների անվտանգության մարմինների եւ հատուկ ծառայությունների, կանոնադրական մարմինների եւ ոլորտային համագործակցության մարմինների, միջազգային կազմակերպությունների եւ մի քանի ռուսական գերատեսչութունների ներկայացուցիչների պատվիրակությունների մասնակցությունը հանդիպմանը:
«ԱՊՀ Հակաահաբեկչական կենտրոնը Մոսկվայի շրջանի Օդինցովոյում կանցկացնի ԱՊՀ անդամ երկրների հակաահաբեկչական ազգային կենտրոնների ղեկավարների XI հանդիպումը, որը կկրի «Ահաբեկչության դեմ պայքարի ոլորտում ԱՊՀ անդամ պետությունների իրավասու մարմինների համագործակցության ակտուալ ուղղությունները» խորագիրը»,-նշված է հաղորդագրության մեջ:
Օրակարգում կլինեն ժամանակակից փուլում ահաբեկչական սպառնալիքների գնահատումը։ Մասնավորապես, կքննարկվեն Սիրիա-Իրաքի գոտում գլոբալ ահաբեկչական վտանգի փոխակերպման պայմաններում իրավիճակի զարգացման կանխատեսումները, աշխարհի այլ տարածաշրջաններում միջազգային ահաբեկչական կազմակերպությունների շահերի հավանական գնահատականները, ԱՊՀ երկրների արտաքին սահմաններին ահաբեկչական հնարավոր դրսեւորումների ձեւերը:
Հատուկ ուշադրություն կդարձվի 2018 թվականին նախատեսվող հակաահաբեկչական զինավարժությունները ԱՊՀ տարածքում։
